نوري آباد ويجهو ٻن ڏينهن کان گم نوجوان پورهيت جو لاش هٿ، وارثن قتل جو شڪ

(نوري آباد) نوري آباد ويجهو ٻن ڏينهن کان گم نوجوان پورهيت جو لاش هٿ، وارثن قتل جو شڪ ظاهر ڪندي انصاف جي گهر ڪئي آهي. ڳوٺ صالح محمد پالاري جي رھواسي 38ورھين جي مٺو پٽ درو پالاري جو هڪ ميدان وٽان لاش هٿ آيو، وارثن موجب نوجوان ٻن ڏينهن کان گم هو، ڪافي ڳولا باوجود سندس ڏس پتو نه ملي سگهيو، اڄ لاش هٿ آيو آهي، سندس ڪنن مان رت به وهي رهيو هو. نوري آباد پوليس ڪوٽڙي بلاول ميڊيڪل سينٽر مان پوسٽ مارٽم بعد لاش وارثن حوالي ڪيو. فوتي جي ڀاءُ حسين بخش پالاري صحافين سان ڳالھائيندي چيو ته اسان جي ڪنھن سان به دشمني نه آھي، شڪ آهي ته مٺو کي قتل ڪيو ويو آهي، واقعي جي شفاف جاچ ڪري انصاف ڪيو وڃي.