نوري آباد ۾ ھيلٿ ڪيئر ڪميشن
ڊويزن حيدرآباد جي آفيسرن پاران عطائي ڊاڪٽرن جي ڪلينڪن تي ڇاپا ھڻي 8 کان مٿي عطائي ڊاڪٽرن جون ڪلينڪون سيل ڪري ڇڏيون،
عطائي ڊاڪٽر ڪلينڪون بند ڪري فرار ٿي ويا، ڊاڪٽر فضل رحمان ٽالپر ميڊيڪل ايڪسپرٽ ۽ اياز علي مھر اسٽنٽ ھيلٿ ڪميشن ڊاڪٽر ھنيش ڪمار نوري آباد پوليس جي نفري ساڻ ڪري مختلف ڪلينڪن تي ڇاپا ھڻي ڪلينڪون سيل ڪيون، ان موقعي تي ڊاڪٽر فضل رحمان ڳالھائيندي چيو ته سڄي سنڌ اندر عطائي ڊاڪٽرن غريب ماڻھن کي ڦري رھيا آھن ۽ ماڻھن جي زندگي سان کيڏي رھيا آھن عطائي ڊاڪٽرن جي ڪري ھيپاٽائيٽس بي سي جون بيماريون عام ٿي ويون آھن ھنن وڌيڪ چيو ته سڄي سنڌ اندر عطائي ڊاڪٽرن خلاف سخت قانوني ڪاروائيون ڪيون وينديون، نوري آباد جي سياسي سماجي اڳواڻ عالم پالاري شمس پالاري نظير الياڻي شبير ورياڻي اسد پالاري ۽ ٻين چيو ته سالن کان وٺي عطائي ڊاڪٽر نوري آباد ۾ قابض ٿي انسانن جي زندگين سان بي خوف ٿي کيڏندا رهيا آھن جن کي صحت کاتي جي ڪرپٽ ڪامورن جي آشرواڌ هجڻ ڪري ڪابه ڪاروائي نٿي ٿئي اڄوڪي ڪارروائي قابل تعريف آهي انهن عطائين جي گرفتارين تائين ھي سلسلو جاري رکيو وڃي ته جيئن مڪمل طور غريب ۽ مسڪينن جي ھنن مان جند ڇٽي سگھي، نوري آباد جي هر ننڍي وڏي مارڪيٽ ۾ عطائي پنهنجون ڪلينڪن جي سامهون مختلف ايم بي بي ايس جا سائن بورڊ لڳائي مزدورن ۽ مسڪينن کي ھزارين روپين جي ماليت جي دوائن جا ڊوز چپڪائي پنھنجا کيسا ڀري رھيا آھن،
