مستونگ سے کروڑوں روپے مالیت کا غیرملکی سامان برآمد

کسٹمز نے مستونگ کے علاقے شیخ واصل میںکارروائی کرتے ہوئے 15 کروڑ روپے مالیت کا اسمگل شدہ غیرملکی سامان برآمد کرلیا۔کسٹمز حکام کے مطابق ایف سی 78ونگ چلتن رائفلز کی مدد سے شیخ واصل کے مقامپر کریک ڈاؤن کے دوران بسوں اور ویگنوں سے بڑی تعداد میں،کپڑا ویلڈنگ راڈز، آٹو پارٹس، ادویات، چائے، ٹائرز، کمبلز، کراکری، صابن، جائے نماز، کاسمیٹکس، چھالیہ اور دیگر سامان برآمد کرلیا، جس کی مالیت 15 کروڑ روپے ہے۔حکام کے مطابق کلیکٹر کسٹمز پریونٹو عرفان جاوید، ایڈشنل کلیکٹر یاسر کلواڑ، ڈپٹی کلیکٹر اکبر جان، سپرنٹنڈنٹس اسلم خان، انسپیکٹرز احمد نواز زہری اور محمد ہاشم نے حصہ لیا۔