عبدالعلیم خان کو دوبارہ وزارت دینے کا فیصلہ لاہور: سینئر رہنما پاکستان تحریک انصاف عبدالعلیم خان کو دوبارہ وزارت دینے کا فیصلہ کر لیا گیا ہے ،عبدالعلیم خان کل عہدے کا حلف اٹھائیں گے۔ تفصیلات کے مطابق سینئر رہنما پاکستان تحریک انصاف عبدالعلیم خان کو دوبارہ وزارت دینے کا فیصلہ کر لیا گیا ہے، عبدالعلیم خان کل صوبائی وزیر کا حلف اٹھائیں گے۔عبدالعلیم خان کل گورنر ہاوس میں وزارت کا حلف اٹھائیں گے ،تاہم گورنر پنجاب چوہدری محمد سرور ان سےحلف لیں گے۔عبدالعلیم خان کی وزارت کے معاملات آج وزیر اعلی پنجاب عثمان بزدار سے ملاقات میں طے کیے گئے تھے۔عبدالعلیم خان کو کون سا محکمہ دیا جائے اس متعلق تاحال آگاہ نہیں کیا گیا۔ واضح رہے کہ عبدالعلیم خان نے نیب کیس کی وجہ سے چھ ماہ قبل وزیر بلدیات پنجاب کی وزارت سے استعفی دے دیا تھا۔