قومی رابطہ کمیٹی آج لاک ڈاؤن سےمتعلق فیصلہ کرے گی

ٖفوٹو: آن لائنلاک ڈاؤن میں مزید اضافہ یا نرمی کےلیے وفاقی حکومت آج قومی رابطہ کمیٹی کے اجلاس میں فیصلہ کرے گی۔وزیراعلیٰ سندھ آج وزیراعظم عمران خان کو صوبے میں لاک ڈاؤن بڑھانے سے متعلق تجویز بھی دیں گے جس کےلیے مراد علی شاہ دن 11 بجے پریس کانفرنس کریں گے۔وزیر اطلاعات سندھ ناصر حسین شاہ کا کہنا ہے کہ لاک ڈاؤن میں ایک ہفتے کی توسیع کی جا سکتی ہے جبکہ سعید غنی کہتے ہیں کہ فیصلہ اتفاق رائے سے ہونا چاہیئے۔اس سے قبل سندھ کے سینیئر ڈاکٹرز کرونا وائرس پر قابو پانے کےلیے صوبائی حکومت کو لاک ڈاؤن بڑھانے کی تجویز دے چکے ہیں۔واضح رہے کہ پاکستان میں اب تک کرونا وائرس سے متاثرہ افراد کی تعداد 5 ہزار سے زائد ہے جبکہ سندھ میں متاثرہ افراد کی تعداد ایک ہزار 400 سے زائد ہے